Cueillir les signes, être à l'écoute, à l'écoute des mots, des images, des bruits et des parfums. Laisser alors entrer le souffle de l'inspiration et écrire.
Mais il y a aussi le regard éphémère sur le pays, les gens et les bêtes, les plantes et les objets.
Là, c'est la photographie qui va fixer l'instant, la merveille ou la laideur parfois.
Ensuite il faudra choisir parmi ce flot d'images celles qui peuvent susciter l'émotion que j'ai eue à les figer à jamais.
Ainsi sont nées mes envies de faire vivre mon pays autrement que par les paroles.
C'est comme un jardin ouvert où chacun vient reprendre son souffle et retrouver le rythme de sa propre vie.
Lise
Lise Gros n'est plus conteuse mais présidente de TèVéÒc qui produit une émission en langue d'oc chaque semaine sur www.teveoc.com
RépondreSupprimerVoir le site
Retour sur le blog https://lisados.blogspot.com/que je ne maitrise guère !!! On va essayer d'en tirer parti !
RépondreSupprimerCe commentaire a été supprimé par l'auteur.
RépondreSupprimerCe commentaire a été supprimé par l'auteur.
RépondreSupprimerCe commentaire a été supprimé par l'auteur.
RépondreSupprimerUn rai de solèu cambia l'agach sus la vida ! Uèi, solelha e fai de ben. Dona enveja de sortir, de se bolegar dins l'ostau, de se regardar dins lo miralh e d'ensajar de positivar sus lei rugas ben installadas sus tei gautas, ton front, tei mans e tanben sus lei venas blavas que i sortisson tant, sus tei mans. Te fan pensar en aquelei dau paire vièlh avans sa mòrt.
RépondreSupprimerQuau vei sei venas, vei sei pènas, disiá.
E de pènas ne manca pas jamai dins una vida.
Uèi, lei caçarai leis idèas negras, caminarai dins lei carrièras dau centre ciutat, farai lo compte dei botigas que ara son barradas, tuadas per lo COVID. Comprarai un pichòt quicòm dins quauqueis unas : fau ajudar lo pichòt comerci que dison amont! Amont pense que s'en baton ben dei pichòtas gens. I a pas de proletari au govern actuau ! Aquò's segur !
Pasmens ne manca pas aquí, a riba d'Aude, lei vese passar quand van quèrre sei dons a la Crotz rotja, pròche mon ostau. N'i a de tota mena e de totei colors : de blancs, de jaunes, de nègre, de marrons... Un, subretot, me tafura : es indian o afgan, quicòm coma aquò, e maigre qu'es pas de dire. Mon felen (15 ans) me diguèt : Es la dròga que li fai aquò.
Ne sap mai que ieu aquel adolescent ! L'òme encara jove es vestit d'un blodon pissós e estrifat, seis uèlhs semblan negats dins una nèbla espessa. Vei pas pus res de çò que bolega alentorn d'el.
Venon a la Crotz rotja e s'en van manjar sus un dei bancs de la passejada, a riba de flume. Après, laissan totei seis escobilhas rebalar per sòu. Per elei es normau, amai se l'escobilhièr es a tres metres d'el.
Es benlèu un biais de se venjar de la vida marrida que menan ?
Dubrir lei contravents sus un cèu grís e tristàs.
RépondreSupprimerEsperar que lei colombs endormits sus lo tèule se desrevelhèsson per te levar enfin de ton lièch ben caudet.
Veire dins son envolada un testimoniatge de vida, es ja quicòm de positiu per començar una jornada que semblarà coma una gota d'aiga en aquela de ièr. E s'en faudrà contentar.
Pas una visita, que ta causida de venir viure aquí te laissèt pas lo temps de te crear un rasau d'amigas dins la vila de Carcassonna desconeguda.
Save d'a fons çò que vòu dire : reprene tot a zerò!
Ara, au grís dei jorns ven s'apondre la solesa completa qu'acceptas per de qué la causiguères. De dos maus te fau totjorn causir lo mendre ! L'as fach e l'assumas.
Se vòs parlar, te resta lo telefonet e cada jorn pòs contactar tei tres amigas de luènh, autò-confinhadas. Doas per rasons de santat e una per paur d'agantar aquela puta de virus: LO COVID.
Dempuèi una annada ja nos ten ficelats, amai se fasem semblant de viure. Sem ben forçats de viure, e encara ben contents de pas l'aver encara agantada aquela malautiá estranha !
Per subreviure te fau emplenar la jornada d'un biais o d'un autre. Fuguèt totjorn ansin : sas pas demorar sens pas res faire.
Doncas, legir, montar de vidèos en occitan, faire de compras, ajudar l'associacion Tè Vé Òc en passant doas oras sus l'ordenador cada matin. Contenta de podèr faire clantir encara ta cara lenga.
Ensajar de pas doblidar la cassairòla qu'as mesa sus lo fuòc e que sovent es son perfum de cremat que te fai sautar lèu lèu a la cosina per sauvar ton dinnar !
Netejar l'ostau fuguèt pas jamai una passion per tu, doncas la pòussa pòt dormir tranquileta sus lei laissas de la bibliotèca.Aimas mièlhs de legir.
E lo sèr se sarra, coma ièr, coma passat ièr, tant identic que de còps sas pas pus la data.
E ai pas de me planher. Ai pron de sòus per manjar, per pagar mei facturas. Pòde regardar rajar l'aiga dau flume dessota mei fenèstras. Retrobe lei repèris de cada jorn : la mamet que passeja son chin tot despenchenat, lo jove que fai corre e cagar sei dos chinàs sus lo pelenc dau parquege, darrièr l'imòble, Julieta que noirís sei canards. Un bof de vida, tèune mas que te religa a TA vida, au mens a çò que t'en demòra.
Es aquí la question capuda que te sarra lo còr au moment que l'espèras pas brica. VIURE ?